今天已榮升郭太的熊黛林(Lynn)與老公郭可頌(Ken)早前到澳門新濠影滙酒店拍攝婚照,請來本地著名攝影師陳錦強(CK)親自操刀,並一連三日拍攝了多輯別具意義的婚照。其中一輯婚照以「鳥籠」為主題,新娘子Lynn穿上性感白色婚紗,與Ken齊在鳥籠內化身一對「比翼鳥」。


Lynn在籠中盡顯名模功架,至於新郎哥Ken亦不甘示弱,在鳥籠擒高擒低擺Pose。Lynn不時向老公仔給予愛的鼓勵,除了送上飛吻外,亦細心地為對方整理服裝,在現場大放「閃光彈」!

曾在電影《葉問》系列中飾演「葉問嫂」的Lynn,在婚照中重現這部成名作品,由身穿唐裝的Ken扮演葉問,Lynn則穿上金色傳統中式旗袍。拍攝期間,Lynn「葉問嫂」上身,向Ken教授各種功夫動作,場面溫馨。事後,Lynn也流露出幸福一面,大讚Ken是她人生中的「葉問」:「我搵到自己嘅葉問啦,有人保護我啦!」



婚照有故事性
另外,新濠影滙酒店特意送上巨型五呎結婚蛋糕作拍攝之用,穿上長尾婚紗的Lynn半臥在桌子上,並小鳥依人般依偎着Ken。其後大隊移師到室外取景,一對準新人登上全球首個及亞洲最高的「8」字形摩天輪「影滙之星」拍攝婚照。

完成三天拍攝後,Lynn表示今次有別於傳統婚照,揀婚紗方面Ken提供了不少意見:「主題係攝影師CK同經理人Kim一齊諗,係我同Ken嘅故事重演,我哋喺一個Party遇見對方,由慢慢接觸,到之後一齊,好有故事性。每一張相都好靚,好有Feel,好似影緊Fashion雜誌咁。」

Lynn坦言在拍攝婚照過程,回憶起與Ken的甜蜜拍拖片段:「諗起以前拍拖片段,感覺好似我蝦佢多啲咁,因為佢比較就我。」 提到圈外人的Ken甚少拍攝經驗,問到Lynn可有教路擺Pose?她笑說:「唔使我啦,佢自己有悟性,男仔嘅嘢我唔識。但佢好有潛質、好Chok,佢放開咗之後真係幾Chok,佢始終唔係呢行嘅人,會緊張㗎嘛,不過到後尾佢就好好,好滿意,好靚仔!」

放棄減肥大計
在澳門拍照期間,Lynn大擦當地美食葡撻、豬扒包,她笑言在拍攝婚照前曾想過做運動修身,可惜最後因為工作關係,被迫放棄減肥大計:「唔使Keep啦,橫掂臨時臨急減肥都冇用,肚餓就要食!之前有諗過做運動,但一路都好忙,依家又準備拍新電影,一次運動都冇做過,到試衫嗰日先發現自己肥咗。」

對於當時即將榮升「郭太」的Lynn,一臉幸福的剖白了待嫁心情:「講唔出嗰種感覺,又冇平時啲人講到咁緊張,但又覺得有少少變化,唔識講,總之日日都好幸福、好開心。」


 「葉問嫂」上身!熊黛林拍婚照 讚郭可頌夠Chok

 https://www.facebook.com/JetsoApp