女人係難以理解嘅生物，無論你已經同佢相處左幾耐都好，總係會喺不知不覺間墮入陷阱，發覺自己原來根本唔明白眼前呢位伴侶，無法完全正確解讀佢每一句說話。
相信對於下面呢10句聽慣聽熟說話嘅意思，男士們你地宜家都應該未曾掌握清楚當中嘅真正意思！
1. 「我無野喎！」
講到女人最常講嘅一句謎語，相信一定係「我無野喎！」呢番話。好多時候你見佢好似唔開心，想開解下佢，佢10次裡面10次都應該會係答「我無野喎！」但講真佢內心絕對並唔係咁覺得，而且更加係「無野」嘅相反囉！
2. 「我就出得門口喇！」
女士需要扮靚，其實大家都理解。但真係唔好去到最後關頭先嚟慢慢執自己個look，仲答我地「就得架喇！」因為講得「我就出得門口喇！」，其實都仲需要最少9個字你地先會正式出到門口，而並不是一分鐘內出去到囉！
3. 「呢套衫係唔係著得我好肥？」
面對呢條問題，真係答真嘅答案，定抑或哄佢嘅答案都係死路一條。答「唔係呀唔肥呀！」就會比佢話你講大話，明明肥都話唔肥。相反講「係呀真係映得你好肥」就會比人鬧「乜我宜家真係好肥好失禮你咩！？」所以真係答又死唔答又死。
4. 「是但啦！」
男：「我地一陣食ＯＯＯ好唔好呀？」女：「是但啦！」到去到餐廳嗰喇喎... 嘿... 佢就會嫌三嫌四，又話呢樣唔好食、嗰樣肥... 算啦.. 下次都係佢渣番主意好啲。但Sorry佢永遠都只係會同你講「是但啦！無所謂。」，一直「無限輪迴」落去，阿門...
5. 「唔想再同你講野！」
鬧左交或者唔夠你講，女仔就會好興話「唔想再同你講野呀！」但其實呢種無聲抗議，只不過係想你主動撩番佢講野，而且佢亦都會喺「唔想再同你講野！」期間不斷鬧你。但唔好灰心啦佢地都係想發下脾氣等你著緊下佢，你就遷就下佢哄番佢啦~
6. 「我地不如傾下。」
女仔突然神情凝重咁同你講你地要傾下，其實就意味左佢對你有所不滿，想比說話你聽。換句話講雖然表面叫做「你地要傾下」，但實際上佢係想你照佢意思去做，而並唔係一齊搵個共識解決問題。
7. 「唔駛勞煩你。」
佢預想左你會幫佢完成某啲事情，但你因為突發原因而應該無辦法幫到佢，佢通常就會同你講「得啦，唔駛勞煩你喇！」真係唔需要你幫忙？當然唔係啦... 其實佢咁講係反映緊佢真係好需要你，所以唔好見到咁嘅Signal都唔醒水幫左佢先呀！
8. 「你鐘意點就點。」
嘗試說服對方接受你嘅意見，突然佢就講「你鐘意點就點啦！」咪住先... 有冇咁容易呀？當然就係唔係咁easy啦！佢咁講只不過係代表「你真係敢喺我面前咁做？」所以千祈唔好亂嚟呀！
9. 「算！」
又係明明想以道理說服對方，但換來嘅竟然係一句睇落似係認輸嘅「算啦！」唔好搞錯呀... 佢其實無諗過要放手... 之後你就知道自己有排煩！
10. 「我唔想再講。」
同「無野喎」差唔多，雖然口講「我唔想再講。」，但其實佢係想你繼續關心落去，開解下佢究竟有咩唔開心。所以如果女朋友咁答你，你就應該要知道對方其實心事重重，需要你關注下佢。
