男士擁有雙丁,呢個簡直就係天方夜譚嘅傳說,現實好似無可能會發生。但其實世界上面有好多野你可能真係聽都未聽過,現實中呢啲傳聞可真係真有其事,並非吹水作出嚟咁兒戲!

除左雙丁嘅傳說之外,你地又有冇聽過親熱其實可以減肥,又抑或精液據講有抗抑鬱作用呢?究竟呢啲講法係唔係真係有科學根據架?宜家就解釋比你聽啦!

1. 親熱可以減肥

要消脂減肥,大家第一時間諗到當然就係節食或者跑步做運動。運動無錯係最有效嘅減肥方法,但其實原來常規運動之外,同另一半親熱都可以消脂減肥,每30分鐘就能夠燃燒200卡路里!

2. 親熱唔怕放臭屁

同另一半打得火熱嘅時候忽然想放屁,但又驚個屁好臭會嚇親對方?唔怕喎!因為根據研究,大家喺情到濃時嗰一刻,原來會因為大家身體都有性興奮而唔會感受到難聞嘅氣味架!

3. 親熱急尿都唔怕

唔少人都會喺親熱嘅過程中覺得好想去廁所,但其實當大家親熱緊嘅時候,身體就會釋放出天然抗利尿激素,令你喺發生性行為嘅時候,以及完事嗰一刻忍住唔需要去廁所。但記得喺親熱完之後一定要去廁所呀!如果唔係忍得太耐就有機會令尿道受到感染架喇!

4. 精液據講有抗抑鬱作用

高潮能讓人感受到愉快感覺,更甚嘅係根據研究,精液原來係有三大抗抑鬱成分,而且當中更含有助調節情緒嘅皮質醇、雌酮及催產素,以及抗抑鬱神經遞質血清素和有助安睡嘅褪黑素。

5. 高潮有益身心

根據科學研究,高潮其實係一種有益身心嘅感受,證實能夠讓心臟變得更為強壯,減低患上心臟病及中風風險。此外對於女性嚟講,高潮更能夠減低出現乳癌嘅機會,同埋可以舒緩情緒。所以為左另一半健康,大家親密少少啦!

6. 雙丁並唔係傳說

男人擁有雙丁丁絕對唔係傳說,而發生雙陰莖嘅機率則係6百萬分之一。雖然雙丁丁聽起上去好似係個令人羨慕嘅奇蹟,但其實能夠兩邊陰莖都運作正常卻係非常罕見,而且身體有著雙陰莖嘅男士更有更大機會患上其他疾病。

7. 子宮能屈能伸

除左男性生殖器官會隨著性興奮而改變之外,女性子宮其實都係「能屈能伸」,能夠喺親熱嘅時候從原來約長3吋伸展至5吋左右讓男方能夠進入。

8. 親熱粗暴少少都唔覺痛

部分人會習慣喺親熱嘅時候拍打、拉扯對方,聽上去好似好暴力而且會好痛,但其實當人產生性興奮嘅時候,佢地所能忍受嘅痛楚程度都會提高,讓男方進入女方嘅時候感覺無咁疼痛。但當然喺粗暴少少嘅同時,都記得要顧及另一半感受,千祈唔好強人所難,肉緊到過晒火位傷到對方。

9. 高潮能令你短暫控制唔到自己

你有冇曾經試過親熱完之後,有一段時間講野口齒不清呢?其實出現咁嘅情況係並唔罕見架!此外根據研究,女性腦內掌管恐懼嘅杏仁核更加會係產生高潮嘅時候暫時停止運作,因此就會令佢地突然冷靜落黎,並且身體會不由自主顫動。