斟酌背後的脈絡,是我覺得做節目,寫評論的時候重要的事。比方說,有人話,何韻詩只係like左同haha左一啲恥笑中文大學學生會周豎峰於七一晚上疑似被社民連成員毆打既文章,唔代表何韻詩身為文化監暴成員,是不是在鼓吹暴力。連李怡先生都叫人要珍惜何韻詩,但網路寫作人盧斯達以至一些網民就說:現在唔係人言人誅的問題,而是藝人的虛偽。正如李怡先生都講過,網民取笑著燈自拍向前線消防員致敬一事,都係恥笑虛偽而已。 

只是,這些話說出來,又是惹人討厭。 

而你慢慢發現,忘記很好。因為,有人記憶是很可怕的。因為,我們記得好多不應該記得的事。 

我記得雨傘運動之後,有好多人都話,運動解散左,會不枯不散。所以,泛民會如何做呢?會不合作運動。 

可是,話音不落,傘後組織、外圍組織很害怕「袋住先」,運動散了,政改表決,他們都一直擔心,泛民主派會有人中途變節。 

現在呢?政改否決了,魔童王維基宣佈參選,政綱包括袋住先,就連深黃絲的人都說會「支持王維基」。那初衷呢?袋住先都得,而家我地有普選啦?當初七十九天,堅持為了什麼? 

再者,泛民說入了議會,就會有不合作運動。但中央一吹暖風,見了幾個京官,林鄭說句先易後難,大家又乖乖埋位,公民黨梁家傑、民主黨劉慧卿都話流會唔好,希望大家乖乖地返去開會。而工黨何秀蘭呢就話,拉布只係阻住議員做其他重要嘅工作,如見市民、傳媒、團體等等。 

哈哈哈哈,回想起雨傘運動嘅時候,我冇參與運動,但我見到好多群眾好用力咁去支持呢個運動,希望政客唔好出賣佢地。 

唔知而家,仲有幾多人睇到新聞之後,覺得參加雨傘運動係值得嘅呢?



 https://www.facebook.com/kengopage