教育現場有什麼可怕?

我的前學生,一位正在做輔導老師的朋友說:

網傳呢份文件,疑惑真偽之際,望多兩望,原來係真。剩係呢份野,都可以顯示到教育局幾咁硬膠幾咁離地。

1. 我承諾係呢段期間唔會自殺,咁係咪即係期間之外就可以?寫個位可唔可以用下腦?唔係個個學生都係輔導網裡面,要保住佢日期內唔會死。網外既,寫完,就變左空氣。

2. 其實提供電話係有用既,但我相信所有人填完呢份野之後,都會同佢講再見。大佬你張野咁大張,你會唔會隨身帶出街?定係你期望我會背左個電話號碼去?然後我係跳樓個時會記得背番出黎而唔係搵信任既人?

3. 我相信學生既話,搵親友既有用性係零。如果佢本身係單親/冇乜家人,咁樣算唔算加速佢自殺?

4. 問自己可以做D乜,咪仲似做多份功課?對於壓力大想死既人會唔會更痛苦?你仲要我諗,我解決到我做左啦。不過呢點好似已經叫最有用。(問題:如果學生話減壓方法係食煙,咁學校唔俾佢食跟手係學校跳左,邊個責任?🙈

5. 講左十萬次次,輔導係唔可以拉埋其他人落水、佢地會好傷心點點點,其實係一定一定一定會更加重佢既心理壓力同負擔。你寫落黎做乜勁呀?

總結: 呢個痴孖根擺明係迎合官僚統計,可以出新聞稿我地有XYZ個學生決志呀。嘩! 「佢簽左架,佢照跳樓係佢違約咋」學校係咪可以咁講丫?將個責任再推去學生到,好野呀,佢跳樓係佢問題呀教育局都未同你計!

最尾點?呢份咪變左通告咁,簽完就消失囉。上堂忙到咁,邊個可以同你慢慢講呀?我剩係知老師追唔到進度就到佢要跳樓喇。

當然,最後吳克儉說沒有教師用這張「契約書」來「追數」,是不專業、不負責任,更極其誤導,對防止學生自殺毫無幫助的說法。而事實上,又的確有學校老師說有學校這麼用,是指那些學校不專業嗎?

官員和前線教師,永遠都好像在對立面。而事實上,教師在前線,越來越難做。尤其是,當你在北區那些學校教,你就更見到香港的絕望。

比方說,我的學生A君就說:「你知道嗎?我有一個學生,父母是輕度弱智,以前在大陸是農民。不知道為什麼他們可以移民來香港,之後一直食綜援。以前這些人,都會尊重老師,覺得老師可以教好小孩。但現在呢?他們以為自己有能力教,有方法教,不再會認同老師教小孩的方針。」

「這些人根本沒有資格生小孩。他們沒有資格改變小孩的命運。他們連自己的命運都沒有辦法改變,而我們就要受他的氣。」

身為老師,當然想學生好。但是你很清楚知道,為什麼老師看見那張什麼「不自殺契約」會無名火起:「他們那種家長的可怕是,『小人求諸人』。老豆老母自己身教家教出問題,就委過於人,當然,教師見這些人見得多,就會因循苟且。因為,你認真做,就好易被學生打,他是輕度弱智的。他打你,警察也不會理會。而今天的校長,更不會再支援老師的。你死你事,你傷你賤。何苦用心?」

A君看著我,幽幽的說。我看著他,看著香港的未來,都明白憂心沒有意義。反正香港就是這樣子了。



 https://www.facebook.com/kengopage