今日接放學時我對SY說:「一陣我哋去黃埔睇花海」。SY:「咩海? (我:即係好多花, 堆埋一齊…...),  即係我哋後面花墟? 咁有咩好睇?」

我無力招架:「不過今次會著燈呀!! 總知你跟我嚟啦!!」SY:「睇完我可唔可以去睇玩具?」(得得得……乜都得)

我們一踏入商場, 阿太與SY即大叫:「吓?乜咁就係花海啦??」 (其實都算流流地...…)

我說:「依度係話可以幫我哋影相喎,影下啦…...」不過,拍攝完後,不會send email, 又不會列印出來, 只可以昂起頭在大電視回味.

SY: 「點解等咁耐都無嘅…...(我:你再等多10秒)...…20秒都過啦, 都未有! 爸爸...…有啦!」

我們如是者, 很無聊的影完又等, 等完又再影...…有時「流流地」,但對無聊仁來說,原來都可以幾歡天喜地。

之後, 我們便走出大街,黃埔船頭,睇睇6000朵粉紅玫瑰LED組成的花海。

SY:「點解唔畀行埋去D燈度嘅?」(老老實實, 真係隔住晒, 咁無癮㗎)

宣傳說以浪漫迷人花海來吸引我, 最初以為...…起碼也有2013聖誕節沙田新城市廣場7樓空中花園「光是浪漫」燈飾啦。

勉強…...如果我遷就一下角度, 其實都算「呃得下人」, 不過如果再多6000朵玫瑰LED花,應該會吸引得多。

SY:「爸爸!影完未呀?我去睇得附近啲玩具未呀?」不要說小朋友,就連多對小情侶,手機左右拍一張,就立刻離開...…

所以 我真的不明白, 為何有一位龍友先生, 配備腳架、長短炮,還企足45分鐘都未走……(乜真係咁好影咩?)


地址:黃埔新天地、時尚坊及聚寶坊

日期:2015年11月10日~2016年1月3日


 6000朵聖誕玫瑰LED,原來就係……

 https://www.facebook.com/hayakutang