宜家去旅行流行自駕遊,時間同地點都可以完全自己安排。

但正所謂,意外就是意料之外,自駕遊途中發生意外有時真是避無可避。

而魏空少早前去日本自駕遊,就正正發生了交通意外。

其實在日本租車,租車費用內一般都已經包左基本車保,而且多數多加少少錢就可以升級到全保。

所以就算撞車,維修費保障、第三者財物保障及第三者人生保障都包括在受保範圍。


但雖則如此,撞車後租車公司就會收取一個叫Non-Operation Charge(NOC)既罰款,又或者有人叫「自負額」。

以魏空少撞車為例,租車公司就收取左JPY50,000作為Non-Operation Charge(NOC)。

到底旅遊保保不保這個NOC呢?


其實自駕遊都係近幾年先開始流行,舊式的旅遊保單,一般都唔會包含自駕遊保障。

即使是舊式旅遊保單所講的「個人責任」條款,多數都只賠償導致任何第三者受傷而必須承擔相關的醫療費用,而並不保障非屬於受保人的個人/在受保人保管下所租用的財物。因此多數都較難向保險公司成功索償。

但直至近期開始,陸續有保險公司提供「租車自負額」既延伸保障,甚至有部分保險公司直接將「租車自負額」納入保障範圍,變相如果自駕遊途中發生交通意外,而又被租車公司罰了Non-Operation Charge,就可以從以上條款申請索償。

但要留意,即使保險公司提供「租車自負額」的保障,各家保險公司的最高索償金額都可以差別很大。以魏空少所見,保障金額可以由HKD2,000到HKD5,000不等。當時魏空少就因為買的旅遊保只提供HKD2,500的保障額,最後要自己俾多付HKD1,000賠償給租車公司……

而在索償手續方面,保險公司多數都要受保人提供(1)租車收據,(2)租車保險證明,(3)車禍紀錄書及(4)NOC罰款收據等。幾份文件中,大家比較容易遺漏既係車禍紀錄書,記得車禍紀錄書上要有報案編號、警署資料、事發經過、租車公司的參編號及租車公司印章。有齊以上文件及資料,就可以大大增加成功索償的機會。

所以,大家下次準備自駕遊之前,都可以看看旅遊保單上有沒有「租車自負額」的保障,雖然未必用得著,但就可以給自己和旅伴一個安心喇!

 

未來魏空少都會不時分享貼心的旅遊保小知識,有甚麼明白的大家都可以討論一下呀!

 



 https://www.facebook.com/IM.FAKE.FA