中野サンモール - 由新宿乘JR中央線5分鐘便到達, 從前孤身入貨的地方。今日變成拖實小朋友來格價, 時日真的如飛。

日本的好處, 就是十年前後的中野, 好像也沒有甚麼轉變過。 (我就愈變愈殘, 眼袋大到可以放兩個一蚊銀)

最記得97年第一次過來中野北口, 也不知道玩具寶藏就在長長商店街盡頭, 大鄉里沒有上扶手電梯便調頭回程坐JR走。  (真係臨門都唔起腳, 嘥晒!!)

7年前中野偶然還可以執得到, 今次逛完發現,  Window Shopping大於一切。 記得上次來的時間, 美少女戰士還未被重視的系列, 今日已經升上神台。

當年太子界限街玩具店, 我以$128購入下圖的星光三戰士攻擊武器, 雖然搬屋不見了...但今時今日售價升至$3000 ? (唔係吖麻?? 揼心呀!)

小朋友竟然愛上儲卡, 我問:「你唔係買幪面超人咩?」, 囝如獲至寶笑咪咪:「我都好鍾意排球少年...(J2做緊?)...係呀...影山隊啦, 之後烏野又對音駒...」(我完全唔知佢講乜)

其實儲玩具一定唔會出錯, 就連當年的1985年 ‎¥100食玩, 一盒也升值60倍, 電子戰隊呀! 我懷疑值錢不在於那單色軟膠公仔, 而是一盒過期朱古力, 30年前的朱古力也值 ‎¥3500。(我想試試味?)

不要以為大大件玩具才會升值得快, 小小的扭蛋也可能有不可思議的價錢。我本來也有儲開這些合金扭蛋, 但一般也是 ‎¥1000- ‎¥2000, 這個值 ‎¥15750的有點不捨得買。

迪士尼的毛公仔也有分門別類, 而且非常抵, 三眼仔+胡迪+巴斯也只是 ‎¥2000 Yen, 不過中野不可以退稅, 而且我懷疑太多不禮物的國語人去掃貨, 所以店員的態度也沒有從前的好相與。

五勇士的超合金, 是非常吸引...我對囝說:「紅戰士...當年爸爸 ‎一萬Yen買咋, 我好想買粉紅戰士呀!!」, 可能我口水流的模樣, 連囝也覺得奇怪...所以...

囝問我:「你有冇6千蚊呀? (6千蚊?  ‎¥6000呀? 有...你睇中咩玩具呢?), 媽媽畀咗2萬Yen我, 我畀你, 你自己出 ‎¥6000就可以買到粉紅戰士囉」

這一刻我很感動, 因為囝的銀包只有2萬Yen, 但他竟然肯全部交給我, 真的毛管戙到不停的震, 開心得有點想喊。

不過另一方面我又覺得小朋友很可愛, 我對囝說:「你畀咗我, 咁你咪得買玩具囉? (我都買咗卡啦)」此刻拖住他的小手, 滿足感之強從未感受過...

最後回歸現實, 我跟小朋友說:「2萬Yen你都係留返自己買玩具啦, 爸爸想買個粉紅戰士係26萬2千5百Yen, 太貴啦, 同埋佢又無藍戰士...(囝:咁你唔買, 我想買多包卡喇)...頭先你又話唔駛買嘅?」


 《日本中野攻略》粉紅戰士的感動 @ 玩具格價團

 https://www.facebook.com/hayakutang