今年絕對係屬於S.Curry既一年，除左囉左明星賽三分球大賽冠軍，又係明星賽票王，佢帶領既金州勇士戰績位列聯盟第1，更係常規賽MVP既大熱門之一。今日佢又打破左自己保持既一項紀錄，就係常規賽投入三分球數既紀錄啦。加埋今日對拓荒者入既8球三分，佢今季已經入左276球，打破左自已保持既一季272球紀錄。更可怕既係今季仲未完結，淨低3場比賽佢仲可以將個紀錄推到後來者望塵莫及既地步。
點解話佢係史上最佳射手呢？因為呢個常規賽投入3分球數既前6名，S.Curry既名已經出現左4次，若果唔計三分線縮短球季(95-96年)既Dennis Scott，前5名只會有S.Curry同R.allen既名，你話誇唔誇張？你可能會覺得只要浪射就可能有呢個成績，但今季S.Curry既三分命中率係44.2%，排係聯盟既第3名，真係令防守者好頭痛。你又覺得佢值唔值得囉今年既常規賽MVP呢？
▼常規賽投入三分球數紀錄前5名(未計今季)
